Loading...

სასწრაფოდ! რა სკანდალში ეხვევა ბერა ივანიშვილი? ეს ყველა ქართველმა უნდა იცოდეს

ცნობილი ხდება სახელმწიფო ქონების მნიშვნელოვანი ნაწილის განიავების კიდევ ერთი ფაქტის შესახებ.Presa.ge-მ მოიკვლია, რომ შპს „ორბი ჯგუფ ბახმაროს“, 2019 წლის 15 მაისს, პრემიერ ბახტაძის სპეციალური განკარგულებით 43 ათას 269 კვ.მ მიწის ნაკვეთი ერთ ლარად გადაეცა - არაფორმალური მმართველის, ბიძინა ივანიშვილის შვილის - ბერა ივანიშვილის მითითებით.„ორბი ჯგუფი ბახმაროს“ 100 პროცენტიანი წილის მფლობელი ზვიად ზოიძეა, კომპანიის დირექტორი კი, ირაკლი კვერღელიძე.
„ორბი ჯგუფს“ სამშენებლო ბიზნესები და სხვა ქვე-კომპანიებიც აქვს და კორპუსებსა და სასტუმროებს ძირითადად აჭარის ტერიტორიაზე აშენებს. მისი დამფუძნებლები და დირექტორები მეგობრებენ აჭარის მინისტრთა საბჭოს ყოფილ თავმჯდომარე პატარაძესთან და ოლიგარქ ივანიშვილის შვილ ბერასთან.
სწორედ ბერასთან და ჩინოვნიკებთან ურთიერთობა გახდა ბახმაროს უნიკალური ტერიტორიის ერთ ლარად ხელში ჩაგდების მთავარი საფუძველიც, რომლის ახსნასაც „ქართული ოცნების“ დეპუტატები ინვესტიციით ცდილობენ.
სამაგიეროდ, „ორბი ჯგუფის“ დამფუძნებელი „ქართული ოცნების“ წინაშე პირობას დებს, რომ 2020 წლის საპარლამენტო არჩევნებში პარტიას სოლიდურ თანხასაც შესწირავს და თანამშრომლებსაც შემოახაზინებს „ორმოცდაერთს“.
კომპანიაში, პარტიული ფუნქციონირების გამოცდილება უკვე აქვთ...
კერძოდ: „შპს ორბი ჯგუფი ბახმაროს“ დირექტორმა ირაკლი კვერღელიძემ 2014 წელს „ქართულ ოცნებას“ 60 ათასი ლარი შესწირა, ხოლო 2018 წელს მმართველი პარტიის მიერ მხარდაჭერილ სალომე ზურაბიშვილს 25 ათასი გადაურიცხა.
შეთანხმების მიხედვით, „ორბი ჯგუფმა“ ერთ ლარად გადაცემულ ტერიტორიებზე ეტაპობრივად უნდა განახორციელოს რამდენიმე ათეულ მილიონიანი ინვესტიცია. საპრივატიზებო პირობით, მომდევნო ხუთი წლის მანძილზე ამ ტერიტორიაზე უნდა განთავსდეს მრავალფუნქციური კომპლექსი, რომლის ნაწილი მინიმუმ 120 ნომრიანი სასტუმროც უნდა იყოს.
თუმცა, ე.წ. ინვესტორის დაპირება, რომლის დამფუძნებლები დეკლარირებული მილიონერები არიან, საეჭვოდ მიაჩნიათ ოპოზიციაში.
„უნიკალური კურორტი ბახმარო, რომელიც ყველა გურულის (და არა მხოლოდ ) საამაყო კურორტია, გურიის რეგიონის სამივე მუნიციპალიტეტში მცხოვრებლებს გააჩნიათ კერძო საკუთრება.
ხალხი, მინიმუმ იმსახურება იმის ცოდნას თუ რა ხელშეკრულებაზე საუბარი, რომელი ტერიტორიები გადაეცა კერძო მესაკუთრეს სიმბოლურ ფასად, რას ითვალისწინებს იგი და რამდენადაა აქამდე არსებული კანონიერი კერძო მესაკუთრეების ინტერესები დაცული.
ფორმულა, ჩვენ ვართ ხელისუფლებაში და ჩვენ უფრო უკეთ ვიცით რა არის უკეთესი ბახმაროსთვის, აპრიორი არასწორი მიდგომაა. მითუმეტეს ჩვენ უკვე ვნახეთ ხელისუფლებასთან აფილირებული "გურიის მამების" მიერ აოხრებული ბახმაროს ნაწილი“ - ამბობს ნაციონალური მოძრაობის ერთერთი ლიდერი გურიაში, კახა ასკურავა.
„ქვეყნისა და ხალხის სასიცოცხლო ინტერესებით მოვაჭრე მთავრობამ ბახმარო ერთ ლარად მიყიდა კომპანია ,,ორბს“!
კორუფციულ გარიგებას უნიკალური კურორტი ეწირება! ეს ხელისუფლება მომავალ წელს უნდა დასრულდეს რომ მასთან ერთად დაესვას წერტილი საქართველოს მტრობისა და გაუგონარი მზაკვრობის პოლიტიკას“, - მიიჩნევს „ქართული ოცნების“ პოლიტსაბჭოს ყოფილი თავმჯდომარე, არმაზ ახვლედიანი.
ბახმაროს გარდა, ბერა და მისი ოჯახი დაინტერესებულია კურორტ აბასთუმნითაც.
ცოტა ხნის წინ იქ ივანიშვილებმა მიწის ნაკვეთები იყიდეს და საავადმყოფოც კი გააუქმებინეს სახელმწიფოს იმისათვის რომ ის აკეთონ და ააშენონ, რაც მოესურვებათ.
ხოლო მაშინ, როდესაც ივანიშვილის ოჯახი და მასთან დაახლოებული ბიზნეს-ჯგუფები სახელმწიფო ქონებას სიმბოლურ ფასად - ერთ ლარად ეპატრონებიან, საქართველოს მოქალაქეები კიდევ უფრო ღარიბდებიან, შიმშილის ზღვარზე იმყოფებიან და უპერსპექტივობის გამო ქვეყნიდან გარბიან.
წყარო: presa.ge
скачать dle 11.3
762 / 05 июнь 2019
Loading...
სხვა სიახლეები
Loading...
კომენტარები
Loading...
Загрузка...